Etorkizuna_Gordon Hayward

Izena: Gordon Hayward

Jaiotze data: 1990/03/23

Lekua: Brownsburg, Indiana, EEUU

Posizioa: Aleroa

Altuera: 206 zm

Taldea: Utah Jazz (NBA)

Gordon Hayward, aurten NBA-an sartu den kalitate eta elegantzia handiko alero bat da. Pasa den draft-ean 20. postuan aukeratu zuen Utah Jazz taldeak. Nahiz eta minutu kopuru txikia jolasten ari den, etorkizun handiko jokalaria dugu.

20 urteko gazte hau, pasa den urteko NCAA-ko txapelketako jokalari onenetakoa izan zen. Butler Bulldogs unibertsitate txikian aritu zen. Hala ere, unibertsitate apal hau txapelketaren finalera eramatea lortu zuen. Talde honetako gidari, Gordon Hayward, Shelvin Mack eta Matt Howard ziren.

Final handian, ordea, Kyle Singler eta bere Blue Devils-ak izan zituzten aurkari eta Gordon Hayward-ek kanpo erditik gutxigatik huts egin zuen jaurtiketa baten ondoren, ezin izan zuten ametsa egi bihurtu.

Igo dudan aurreneko bideoa, Gordon Hayward-en jokaldi onenen nahasketa bat da. Bigarrengoan NCAA-ko final hartako laburpen bat ikusi dezakezue.

Estadistikak:

-2008-2009: 13.1 pt, 6.5 reb, 2.0 asist,

-2009-2010: 15.5 pt, 8.2 reb, 1.7 asist,

Etorkizuna_Kyle Singler

Izena: Kyle Singler

Jaiotze data: 1988/05/04 (22 urte)

Lekua: Medford, Oregon (EEUU)

Posizioa: Aleroa

Altuera: 203 zm

Taldea: Duke Blue Devils (NCAA)

Medford-en jaiotako jokalari hau Estatu Batuetako unibertsitateko jokalari onenetakoa da. NCAA ligan jokatzen du Duke-eko Blue Devils taldean. Denboraldi hau izango da bere azken urtea liga honetan eta datorren urteko NBA-ko draft-ean posizio altuenetan kokatu dute adituek.

2.03 m neurtzen dituen alero honek saskiratzeak lortzeko izugarrizko gaitasuna du, bai sarrera eta bai kanpoko jaurtiketa bidez. Honez gain, erreboterako gaitasun handia eta defentsan sakrifikatzeko ahalmena du. Tiro mekanika oso ona duen jokalari fina da.

Pasa den denboraldian, bere taldeak NCAA-ko txapelketa irabaztea lortu zuen finalean Butler unibertsitatea gaindituta. Jon Scheyer eta Kyle Singler izan ziren talde txapelduneko jokalari onenak. Kyle Singler txapelketa eta finaleko MVP izendatu zuten.

Nahiz eta aurtengo draf-ean izena emanda zuen, azken momentuan zerrendatik ezabatu zuen bere burua, Duke-kin beste urte bete jolastu ahal izateko. Aurten, berriz ere, NCAA-ko txapelketa irabazteko faborito da bere taldea.

Estadistikak:

-2007-2008: 13.3 pt, 5.8 reb, 1.4 asist,

-2008-2009: 16.5 pt, 7.7 reb, 2.4 asist,

-2009-2010: 17.7 pt, 7.0 reb, 2.4 asist,