Historia: Gonzalo Martinez-en hirukoa

Gaurko derbia dela eta, duela lau denboraldi, Real Madrid eta Estudiantes-en artekoan gertatu zena gogoratuko dugu. Partidu oso berdindua izan zen, azken 25 segundutara 84-85 Real Madrid-en alde iritsi zirelarik.

Estudiantes-ek zuen baloia eta 9 segunduren faltan Gonzalo Martinez, ACB-ko jokalari txikienak, hirukoa sartu zuen. Ondoren, Real Madrid-ek, Kareem Tunceri-ren bitartez partidua irabazteko aukera izan zuen, baina hirukoa ez zen sartu. Azkenean 87-85.

Gaurko gure derbiak horrelako amaiera izango ote du? Hala bada, gure alde izan dadila...

Historia: 9 triple eta lapurreta bat

Baskonia zale guztiok jakin beharko luketen historiako pasarte bat ekarri dizuet gaurkoan. 2000-2001 denboraldia zen eta TAU baskoniak Mindaugas Timinskas, Saulius Stombergas, Chris Corchiani eta Victor Alexander-en fitxaketei esker, Euroligako talde onenetako bat izatea lortu zuen.

Hala ere, Baskoniak, ez zuen Europako beste talde askok zuten izenik, eta dirudienez, ez zegoen interes gehiegirik finalera iritsi zedin. Ondorio honetara iristeko, Atenas-en AEK-ren kontrako partidan gertatu zena ikustea besterik ez dago:

Historia: Bi mate

Gaurkoan, Baskoniako jokalari batek egindako bi mate ezagunenak ekarri dizkizuet. Aurrenekoa Elmer Bennett-ek eginikoa da 1999-ko Kopa-ko finalean. Kopa hura Baskoniak irabazitako bigarrena izan zen eta Elmer Bennett izendatu zuten txapelketa hartako jokalari onena.

Bigarren matea Mindaugas Timinskas-ek burutu zuen 2001-ko Euroligako finalean. Baskoniak, Kinder Bolonia zuen aurrean; Ginobili, Smodis, Rigodeau, Andersen eta Jaric bezalako jokalariekin momentu hartan Europako talde onena zen. Finaleko laugarren partidua zen eta Baskoniak irabazi beharra zuen txapelketa irabaztearekin amesten jarraitzeko. Izugarrizko partidua jolastu eta gero, bostgarren eta azken partida jokatzera behartu zuen Kinder, baina, izugarrizko ikuskizuna eskeini ondoren, azken partida Boloniako taldeak irabazi zuen.

Historia: Gipuzkoa Basket ACB

Donostiako Gipuzkoa Basket kluba 2001. urtean sortu zen, instituzio publiko eta Miguel Santos-en eskutik. Klub-aren asmoa, Askatuak klubak, diru falta zela eta, Gipuzkoa eta Donostiako goi mailako saskibaloian utzitako zuloa betetzea zen.

Patrozinatzaile bezala Datac informatika denda katea zuela, 2001-02 denboraldia LEB-2 mailan eman zuen. Denboraldia 11. postuan amaitu zuten, baina, arazo ekonomikoak zirela eta, urrengo bi urtetan klubak ez zuen talderik atera.

2004-05 denboraldian Bruesa patrozinadore sartu zen eta klubak berriro ere LEB-2 mailan taldea atera ahal izan zuen. Nahiz eta denboraldia 2. postuan amaitu, igoerarako Playoff-ean La Laguna-ren aurka galdu eta ezin izan zen LEB-erako txartela eskuratu. Denboraldi amaieran, ordea, klubak igoera postua erosi zion Algeciras taldeari eta 2005-06 denboraldian LEB ligan egotea lortu zuen.

Urte horretan Bruesa GBC mailako talde onenetakoa izan zen liga 5. postuan bukatu eta denboraldia hasieran ezinezkotzat jotzen zen Playoff-eko postua lortu zen. Taldeak joku eta konfiantza maila handiarekin bukatu zuen liga eta Playoff-eko aurreneko bi kanporaketak 3-0 irabazi zituen Drac Inca eta CB León-en aurka. Azken honen aurkako kanporaketa Jose Antonio Gasca pabiloian erabaki zen luzapen baten ondoren. Honela, Gipuzkoa Basket klubak ACB-rako txartela lortu zuen. Honen ondoren, Polaris Murcia-ren aurka LEB-eko finala jokatu eta irabazi ondoren maila honetako txapeldun bihurtu zen.

Gipuzkoa Basket klubak sortu eta sei urtetan ACB-ra igotzea lortu zuen, benetan gauza izugarria. Hemen duzue ACB-ra igo zeneko bideo bat.

Historia: "Dios disfrazado de jugador de baloncesto"

Aurreko sarrera batean, Michael Jordan-ek Utah Jazz-en aurka sartutako kanasta gogoratu genuen. Sarrera hartan Antoni Daimiel komentaristak esaldi bat esan zuen: "Dios volvió a disfrazarse de jugador de baloncesto".

Esaldi honen arrazoia kanasta hura baina 12 urte lehenago izan zen gertakari batean dago. 1986-ko apirilaren 20an Boston Celtics eta Chicago Bulls-ek playoff-etako bigarren partidua zuten jokoan. Garai hartan Boston Celtics NBA-ko talderik indartsuena zen. Dennis Johnson, Dany Ainge, Larry Bird, Robert Parish eta Kevin McHale-k osatzen zuten taldea benetan beldurgarria zen.

Erronda hartako aurreneko partidan Boston-ek bere legea ezarri eta Chicago erraz gainditu zuen. Bigarren partidu horretan ordea, gauzak ez ziren hain errazak izango. Michael Jordan-ek egundoko erakustaldia eman zuen, 63 puntu lortu eta playoff-etako marka berria ezarriaz.

Nahiz eta partidua bi luzapenen ondoren erabaki zen, Boston izan zen garaile, 135-131 emaitzarekin. Hala ere, Michael Jordan-ek, 23 urte besterik ez zituela, urrengo urteetako erregea nor izango zen adierazi zuen bere erakustaldiarekin. Bere estadistikak: 63 puntu (22-41), 5 reb, 6 asis, 3 rob, 2 tap. Guzti hau, Dennis Johnson, NBA-ko defendatzaile onena, bere aurrean zuela.

Partiduaren amaieran, Larry Bird handiak historiarako esaldi bat bota zuen: "hoy he visto a Dios disfrazado de jugador de baloncesto".

Historia: The Last Shot

Blog-eko sekzio berri honetan gure kirolaren historiako momentu onenak gogoratuko ditugu. Horrela, saskibaloiaren momentu ikusgarrienak ezagutzen joango gara.

Aurkezpen gisara, NBA-ko historiako momentu ezagunenetako bat ekarri dizuet: Michael Jordan-en "The Last Shot" (azken jaurtiketa). 1998-ko NBA-ko finaleko seigarren partiduan gertatu zen eta Chicago Bulls-ek bere seigarren txapelketa irabazteko balio izan zuen.

Partidu hartako azkeneko minutua ikusi dezakezue, Andrés Montes eta Antoni Daimiel-ek komentatua. Bideoa esaldi batekin bukatzen da: "Dios volvió a disfrazarse de jugador de baloncesto". Sekzio honetako urrengo sarreran azalduko dugu esaldi hau.