Aste Santuko Entrenamenduak

Gogoratu aste santu honetan apirilak 26 arratsaldeko 7tan entrenatuko degula. Ondo pasa oporrak!

Ekipoko Argazkia!

UConn garaile!!!

Butler taldea berriro ere txapelketa irabaztearen atarian geratu da. Lehengo urtean Duke Blue Devils izan zen moduan, aurten Connecticut Huskies izan da miraria apurtu duena.

Hala ere, aurtengo finala ez da lehengo urtekoa bezain ikusgarria izan. Butler taldeak oso portzentai txarrak izan ditu partida osoan zehar eta UConn 53-41 gailendu da uste baino erraztasun handiagoarekin. Hasiera batean partiduko izarrak izatea espero zirenek ez dute beren eguna izan eta ezustekoan Alex Oriakhi izan da partiduko jokalari onena bere 11 puntu, 11 errebote eta 4 txapelei esker.

Kemba Walker, UConn taldeko izarrak, 16 puntu eta 9 errebote lortu ditu, baina portzentai txarrekin (5-19). Hala ere, txapelketa guztian erakutsitako mailari esker, txapelketako jokalari onena izendatu dute. Honi esker, jokalari ikusgarri hau, NBA-ko draft-ean nahiko postu aurreratu batean ikustea espero da, gutxienez aurreneko 10en artean.

Butler-eko jokalariei dagokienez, Shelvin Mack eta Matt Howard-ek ez dute bere eguna izan. Portzentai txarrak izan dituzte biek: 4-15 Mack-ek eta 1-13 Howard-ek. Honen bestez, aurten ere, txapela lortzeko puntu-puntuan izan dira, baina ezin izan dute lortu. Gainera, datorren urtean berriro aurrean ibiltzea ia ezinezkoa izango du unibertsitate txiki honek, lehengo urtean Gordon Hayward galdu zuten antzera, aurten Mack eta Howard-en azken urtea izan baita.

Txapelketa bukatu da beraz, eta nahiz eta finala ez den uste bezain ona izan, txapelketa orokorrean oso oso maila onekoa izan da, izan duen maila ikusita. Eta orain beste urte bete itxoitera...

Connecticut Huskies beste finalista!!

UConn taldeak, Kentucky Wildcats-en aurka finalerako txartela lortu du bart gauean. Partida honetan, txapelketan bizirik geratzen ziren bi izar nagusiak jokatzen zuten aurrez aurre: Kemba Walker eta Brandon Knight. 

Bi jokalariak baseak izanik, elkar defenditu behar zuten. Nahiz eta partida aurrenekoarentzat izan 56-55 emaitzarekin, bi jokalariek izugarrizko partida jokatu dute. 18 puntu, 6 errebote eta 7 asistentzia Walkerrek eta 17 puntu, 8 errebote eta 5 asistenzia Knight-ek. Ziur biek NBA-ko draft-ean posizio ona lortuko dutela.

Hemen uzten dizkizuet partidaren laburpena eta jokalari bakoitzaren aurtengo jokaldi onenen bideoak:

http://www.cbssports.com/video/player/play/collegebasketball/2j0ikxh_L7UdZKpU6_RtHwHrvDLCuqgb/4-kentucky-vs-3-connecticut-highlights

http://www.cbssports.com/video/player/play/collegebasketball/2j0ikxh_L7UdZKpU6_RtHwHrvDLCuqgb/4-kentucky-vs-3-connecticut-highlights

Butler Berriro!!!!

Butler Bulldogs taldeak bigarren urtez jarraian NCAA-ko txapelketako finalean sartzea lortu du. Lehengo urtean pasa zen bezala, ezustekoan sailkatu dira. Ezusteko hau are handiagoa izan da, aurtengo udaran, beren izarra zen Gordon Hayward galdu baitzuten.

Hala ere, lehengo urtetik hona aurrerapausu nabaria eman duten Shelvin Mack eta Matt Howard-i esker, final handira sailkatzea lortu dute. Ea zer gertatzen den astelehen gauean!!!

Webguneak: Fadeaway

Blog-aren sekzio berri honetan, interneten aurki ditzakegun saskibaloiari buruzko webgune eta aldizkari interesgarriak errepasatuko ditugu. Gaurkoan, FADEAWAY aldizkaria ezagutuko dugu:

Aldizkari hau, aste honetan bertan sortu da. Aldizkari online bat izango da, beraz, ez da paperean argitaratuko. Gainontzeko aldizkariekin duen diferentzia nagusia, kolaboratiboa izatea da. Facebook, twitter eta email-ak bezalako tresnen bitartez, irakurleen iritzi, iradokizun eta kexak jasotzeko asmoa du, denen artean aldizkari hobea izan dadin egunero. Hasiera batean, beraz, proiektu interesgarria dirudi. Ikusi egin beharko da, nola eboluzionatzen duen.

Saskibaloi munduko kategoria gehienei buruz hitz egingo digu aldizkari honek: ACB, NBA, NCAA, Liga Femenina, Series Colegiales... Aste honetan aurkeztutako 0.zenbakiak Ray Allen, Elena Taurasi, Kemba Walker eta beste protagonista asko ditu. Ea gustatzen zaizuen!

Ah, eta ahaztu gabe; guztiz doakoa da!!!

FADEAWAY ALDIZKARIA

Etorkizuna: Jimmer Fredette

Izena: Jimmer Fredette

Jaiotze data: 1989/02/25

Lekua: Glens Falls, New York, EEUU

Posizioa: Basea

Altuera: 188 zm

Taldea: Brigham Young Cougars (BYU), NCAA

Jimmer Fredette, aurtengo NCAA txapelketako saskiratzaile nagusia dugu. Partidako 27,3 puntu sartzen ari da sekulako erakustaldiak emanaz. Adituek datorren urteko NBA-ko draft-eko 10 onenen artean kokatzen dute.

Antolatzaile bezala jolastuen duen 1,88 metroko jokalari honek hiruko jaurtiketa bikaina eta kanastara sartzeko izugarrizko abilezia du. Jokalari fisiko eta potentea da, baina ez du teknika falta.

Brigham Young Cougars (BYU) taldean jokatzen du eta oraintxe bertan Mountain West taldeko aurrenak dira 27 partida irabazi eta 2 soilik galduta. Horrela jarraitu ezkero, ez dute arazorik izango martxo amaieran ospatzen den playoff-ean sartzeko.

Fredette saskiratzaile bortitza dugu, baina onez gain, portzentai onak mantentzen ditu; aurten %45,6 bikoetan, %41,4 hirukoetan eta %89,4 tiro libreetan. Bere zenbaki onengatik, EEUU selekzioaren aurreneko deialdian sartzea lortu zuen, eta aste batzuetan zehar, 2010 ospatu zen Mundialeko garaileekin (Kevin Durant, Derrick Rose, Rajon Rondo, Russell Westbrock...) entrenatu ahal izan zuen.

Estadistikak:

-2007-2008: 7.0 pt, 1.1 reb, 1.7 asist,

-2008-2009: 16.2 pt, 3.0 reb, 4.1 asist,

-2009-2010: 22.1 pt, 3.1 reb, 4.7 asist,

-2010-2011: 27.3 pt, 3.4 reb, 4.3 asist,